Kasano Kaadu ti Masursuro ti Anakmo?

Masansan a di ammo dagiti nataengan ti abilidad ti ubing a makasursuro. Nupay kasta, masansan a nabibiit a makasursuro dagiti ubbing iti baro a lenguahe ngem kadagiti dadakkelda. Inton uppat ti tawen ti dadduma nga ubbing, makasaodan iti dua wenno ad-adu pay a lenguahe. Itay napan a tawen, kastoy ti insurat ti maysa nga ina nga agnagan Rhonda a taga Auburn, Washington, E.U.A., a dati nga agduadua maipapan iti abilidad ti maysa nga ubing a makasursuro: “Pagyamanan iti panangipalubosyo nga aminek a talaga a nagkamaliak.”

Inlawlawag ni Rhonda a nabasana ti kapadasan iti Agosto 1, 1988 a ruar Ti Pagwanawanan a kadua a magasin ti Agriingkayo: “Iti panid 13, imbaga ti maysa nga ina ti ubing a lalaki nga uppat ket kagudua ti tawenna nga idi basbasaenna Ti Librok Dagiti Estoria ti Biblia sa nagsardeng biit, intuloy ti anakna ti amin a sao a nabati iti estoria. Imbagana a naikabesa ti anakna ti immuna a 33 nga estoria ti libro agraman dagiti narigat a nagan ti luglugar ken tattao. Impagarupko no imposible dayta. Ngem nagkamaliak. Maysaak itan nga ina ti uppat ti tawenna nga ubing a babai a nakaikabesa metten iti adu kadagiti estoria iti libro a Dagiti Estoria ti Biblia.”

Ania ti ar-aramidenyo tapno maparegta ti anakyo nga agsursuro? Mabalinyo ti agkiddaw iti kopia Ti Librok Dagiti Estoria ti Biblia. Maysa a libro dayta nga addaan iti 256 a panid ken 116 nga estoria a mangitampok kadagiti tattao ken pasamak iti Biblia. Suratanyo laeng ti naipakuyog a kupon ken ibusonyo iti adres a makita iti kupon wenno iti maitutop nga adres a nailista iti panid 5 daytoy a magasin.

□ Interesadoak a makaawat iti libro a Ti Librok Dagiti Estoria ti Biblia.

□ Interesadoak iti libre a panagadal iti Biblia.