Ammoyo Kadi?
(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 27 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.
1. Sadino ti imbaga ni Jesus a papanan ken pagdiram-osan ti bulsek a lalaki tapno makakita? (Juan 9:7)
2. Sadino ti nangkaritan ni Satanas ken ni Jesus a tumpuakanna tapno alawen dagiti anghel? (Mateo 4:5, 6)
3. Apay a nagadu a tattao ti nagpakpakaasi ken Jesus “nga uray masagidda laeng koma ti barayubay ti makinruar a kawesna”? (Mateo 14:35, 36)
4. Ania a substansia ti nausar idi un-unana a saan laeng a paglaba no di ket pangikkat met kadagiti metal a kas iti buli ken pirak? (Isaias 1:25)
5. Ania dagiti naipanagan iti inauna nga anak ni Rebecca ken apay? (Genesis 25:25, 30)
6. Ania ti imbaga ni Jehova a pagannurotan iti pannakapili ti 12 nga espia a maibaon idiay daga ti Canaan? (Numeros 13:2)
7. Ania a pagilian ti nangaramidan ni Pablo iti suratna kadagiti Hebreo? (Hebreo 13:24)
8. Ania a bulan dagiti Judio a nairingpas ni Solomon ti pannakaibangon ti templo? (1 Ar-ari 6:38)
9. Siasino ti dua a lallaki a nangantabay kadagiti ima ni Moises agingga a pinagballigi ni Jehova ti Israel maibusor kadagiti Amalekita? (Exodo 17:12)
10. Ania nga insekto ti agdinamag gapu iti kinagaget ken nainkasigudan a siribna? (Proverbio 6:6)
11. Napanan ni Jonas imbes a mapan idiay Nineve kas imbilin ni Jehova? (Jonas 1:2, 3)
12. Sadino ti nangaramidan ni Moises iti tabernakulo? (1 Cronicas 21:29)
13. Gapu ta awan ti nailatang a teritoriada, kasano ti pannakasustento dagiti Levita? (Numeros 18:21)
14. Idi aldaw ti panagungarna, sadino ti nagparangan ni Jesus ken ni Cleopas ken iti padana nga adalan? (Lucas 24:13)
15. Asino ti pinili ni Jehova a kangrunaan nga artesano nga agpaay iti pannakaibangon ti tabernakulo? (Exodo 31:1-11)
16. Babaen iti ania a termino a masansan a dinakamat ni Pablo dagidiay nakipagbannog kenkuana? (Filipos 4:3)
17. Apay nga imbilin ni Jehova kadagiti Israelita a mangikabilda iti asul a linas iti ngatuen ti nabarayubayan a pingir ti pandilingda? (Numeros 15:37-40)
18. Ania a kayo ti nausar a pagaramid iti dua a kerubin ken dagiti ridaw ti Kasasantuan? (1 Ar-ari 6:23, 31)
19. Kas insurat ni Zacarias, ania a sasao ti inusar ni Jehova a pangyilustrar no kasano ti panagriknana no mairurumen ti ilina? (Zacarias 2:8)
20. Asino ti ama ni Jezebel? (1 Ar-ari 16:31)
21. Apay a pinadas ni Pilato a wayawayaan ni Jesus? (Lucas 23:4)
Dagiti Sungbat ti Pannubok
1. Ti ban-aw ti Siloam
2. Pannakabaluarte ti pader ti templo
3. Kayatda a maagasan dagiti an-annayenda
4. Turo (sodium carbonate wenno potassium carbonate)
5. “Esau” gapu iti nagpaiduma a kinabarbonna idi naipasngay ken “Edom” gapu iti nalabaga a gisado a nangilakuanna iti kalinteganna kas inauna
6. “Maysa a lalaki maipaay iti tunggal tribu dagiti ammana, tunggal maysa ket panguluen kadakuada”
7. Italia
8. Bul, ti maikawalo a bulan ti sagrado a kalendario
9. Aaron ken Hur
10. Ti kuton
11. Tarsis
12. Iti let-ang
13. Ti dadduma a tribu ti nangted kadakuada iti apagkapullo ti amin a maapit iti daga ken magun-odan kadagiti baka
14. Iti dalan nga agpa-Emmaus
15. Da Bezalel ken Oholiab
16. “Katrabahuak”
17. Tapno ipalagip kadakuada a nasantuanda a tattao ken Jehova ken rumbeng a tungpalenda dagiti bilinna
18. Tabla ti kayo ti lana
19. “Ti mangsagid kadakayo sagidenna ti bukel ti matak”
20. Etbaal, ti ari dagiti Sidonio
21. Awan ti nasarakanna a krimen kenkuana