Ti Rabii a Rumbeng a Laglagipen​—Domingo, Abril 4, 2004

ITI rabii sakbay a natay ni Jesu-Kristo, inrugina ti Memorial ti ipapatayna. Iti simple a pangrabii a kaduana dagiti apostolna, a nangusaranna iti arak ken di nalebaduraan a tinapay kas simbolo, imbilin ni Jesus: “Itultuloyyo nga aramiden daytoy kas panglaglagip kaniak.”​—Lucas 22:19.

Naimpusuan nga awisendakayo dagiti Saksi ni Jehova a makikadua kadakuada a manglaglagip iti daytoy tinawen a Memorial. Ita a tawen, maangay dayta kalpasan ti ilelennek ti init inton Domingo, Abril 4, ti petsa a katupag ti Nisan 14 iti lunar a kalendario ti Biblia. Pangngaasiyo ta makiumankayo kadagiti Saksi ni Jehova iti lugaryo agpaay iti eksakto a pakaangayanna ken oras.