“Dayta ti Apag-isu a Kasapulanmi!”

Kasta ti kinuna ti maysa nga ina a taga-Italia idi naawatna ti libro nga Agsursuroka iti Naindaklan a Mannursuro. “Makasangitak,” kinunana. No maipapan iti balasitangna, innayonna: “Di pay makabasa, ngem adu ti malagipna a napapateg a punto gapu kadagiti ladawan. Dumdumngeg a naimbag ta naisurat dayta a kasla makisarsarita iti agbasbasa, ket masansan a makipaset. Daytoy ti kasayaatan a sagut a naawatmi.”

Imbaga ti maysa nga ama idiay Italia a pampanunotenda nga agassawa no kasano nga ilawlawagda ti maipapan iti sekso iti baritoda. “Idi nairuar daytoy baro a publikasion,” kinunada, “nariknami a naawatan ti Dios dagiti pakadanaganmi. Idi nasukimatmi dayta, naibagami a nagadu dagiti masarakan iti daytoy baro a libro a mabalin a makaparegta iti baritomi tapno agpanunot a naimbag.”

Maysa nga agtutubo idiay Japan a narames idi ubing pay, ti nagsurat nga agyamyaman gapu iti libro: “Agarubos dagiti luak ket kanayon nga agyamyamanak ken ni Jehova. Prangka ken umiso ti panangsaklaw daytoy a libro kadagiti bambanag a mabalin a pakaipasanguan dagiti annak iti daytoy dakes a lubong. Dagiti saludsod ket siaasi a tumulong a mangipalgak iti adda iti puso ti ubing. Nagsayaat ketdin a probision ti kapitulo 32 nga agpaay a pangsalaknib kadagiti annak manipud kadagiti dakes nga adulto! Mabalin a saan koma a kastoy ti biagko no adda kastoy a prangka, makaisuro a pagbasaan a magun-odan 20 a tawen ti napalabasen.”

Mabalinmo ti agkiddaw iti kopia daytoy 256 ti panidna, napintas dagiti ladawanna a libro, a kas iti kadakkel daytoy a magasin. Suratam laeng ti naipakuyog a kupon ken ibusonmo iti adres nga adda iti kupon wenno kadagiti adres a nailista iti panid 5 daytoy a magasin.

□ Kayatko ti maaddaan iti kopia ti libro a naipakita ditoy.

□ Interesadoak iti libre a panagadal iti Biblia.