“No La Koma Basaen ti Amin!”

Ti mannurat tuktukoyenna ti libro nga Umadanika ken Jehova. Kinunana pay, “Ita ta nalawlawag a maawatakon no kasano ti panagayat ni Jehova, ad-adda met nga ipakitak ti panagayatko kadagiti sabsabali.” Kinuna ti sabali pay a mangap-apresiar iti daytoy a libro: “Saan a mayebkas iti sasao ti kadakkel ti panangapresiarko iti daytoy a publikasion ken no kasano kaadu ti nagunggonak. . . . Ad-adda a maparparegtaak bayat nga itultuloyko ti panangbasak.”

Dagiti uppat a kangrunaan a benneg ti Umadanika ken Jehova, salaysayenna dagiti kangrunaan a galad ti Dios: pannakabalin, kinahustisia, sirib, ken ayat. “Tinulongannak daytoy a libro tapno mabigbigko dagiti agkakaimbag a galad ti nailangitan nga Amak,” kinuna ti maysa nga agbasbasa. “Tinulongannak a mangbigbig a kabaelak nga iparangarang dagiti galadna no agpaiwanwanak iti nasantuan nga espirituna.”

Kalpasan a naadalna ti kapitulo 26 a napauluan iti “Dios a ‘Sisasagana a Mamakawan,’” ni Joanna, maysa nga agtutubo a Polako, kinunana, “Ibilangko a napateg a gameng dagiti mensahe a linaon daytoy a publikasion ket dakkel ti naitulongna iti biagko.”

Mangnamnamakami a makatulong ken makaliwliwa kenka daytoy 320 ti panidna a libro. Mabalinmo ti agkiddaw iti kopia no suratam daytoy naipakuyog a kupon ken ibusonmo iti adres nga adda iti kupon wenno iti maitutop nga adres iti panid 5 daytoy a magasin.

□ Kayatko ti maaddaan iti kopia ti libro a naipakita ditoy.

□ Interesadoak iti libre a panagadal iti Biblia.