‘Ti Kasayaatan a Libro Maipapan Kadagiti Relihion iti Lubong’

◼ Maysa a maestra iti haiskul idiay Canada ti naipaayan iti narigat nga annongen a mangisuro kadagiti estudiantena iti patpatien ti sumagmamano a relihion iti lugarda. Kalpasan a nabasana ti libro a Ti Panangbiruk ti Sangatauan iti Dios, kinunana: “Daytoy pay laeng ti nabasak a kasayaatan a libro maipapan kadagiti relihion iti lubong!” Nagustuanna unay isu a kiniddawna ken pinatgan met ti administrasion iti eskuelaan nga usarenna dayta a pangisuro iti klasena.

Kinuna ti maestra a masindadaan nga agbiahe iti nasurok a 500 a kilometro tapno laeng mangala iti 40 a kopia ti libro manipud iti sanga nga opisina dagiti Saksi ni Jehova iti Canada. Ngem naragsakan dagiti Saksi a kalugaranna a nangitulod kadagiti libro kenkuana. Nagustuan unay ti adu nga estudiantena dayta a libro isu a nagkiddawda iti bukodda a kopia.

Matulongannaka met daytoy a libro tapno maawatam ti patpatien dagiti tattao iti lugaryo. Ilawlawagna ti nagtaudan, pakasaritaan, ken sursuro dagiti kangrunaan a relihion iti lubong—Hinduismo, Budismo, Taoismo, Confucianismo, Shinto, Judaismo, Islam, ken Kristianidad.

Mabalinmo ti agkiddaw iti daytoy a libro a Ti Panangbiruk ti Sangatauan iti Dios. Aduan daytoy iti ladawan a de-kolor ken 384 ti panidna. Suratam laeng ti naipakuyog a kupon ken ibusonmo dayta iti adres a makita iti baba wenno iti maitutop nga adres a nailista iti panid 5 daytoy a magasin.

□ Kayatko ti maaddaan iti kopia ti libro a Ti Panangbiruk ti Sangatauan iti Dios.

□ Interesadoak iti libre a panagadal iti Biblia.