‘Sungbatanna Dagiti Saludsodmi’

◼ ‘Sungbatanna dagiti saludsodmi.’ Kasta ti kuna dagiti agtutubo maipapan iti baro a libro a Dagiti Saludsod nga Iyimtuod ti Agtutubo—Dagiti Sungbat nga Epektibo, Tomo 2. “Mariribukanak ken diak maawatan ti bagik,” insurat ni Jessicah a taga-Texas, E.U.A. “Talaga a napabilegak iti daytoy a libro. Makaliwliwa a maammuan nga adu nga tin-edyer a kas kaniak ti maipaspasango met kadagiti parikut bayat nga ikagkagumaanda ti agserbi iti Dios. Sinungbatan daytoy a libro ti dandani amin a saludsodko maipapan iti kinaagtutubok.”

Kinuna ni Breann, a taga-Colorado: “Pudno a makagutugot daytoy a libro tapno maaddaan dagiti nagannak ken annak iti makapabileg a komunikasion. No kayatko a kasarita ni nanangko, alaek ti libro ket direkta nga ibasak ti kayatko nga ibaga kenkuana. Adda gayyemko nga agsagsagana met a makisarita kadagiti nagannakna kalpasan a nabasana daytoy a libro.”

Dagiti umuna a kapitulo daytoy a libro ti mangilawlawag iti maysa nga isyu a pakaseknan ti kaaduan nga agtutubo​—ti relasionda iti kasunganida a sekso. Insurat ni Katrina, a taga-New Jersey: “Pinabileg daytoy a libro ti determinasionko a di pay makideyt uray ania ti ibaga ti dadduma. Maysa pay, no awan ti asawam, adda gundawaymo a mangaramid kadagiti ad-adu a makagunggona a bambanag! Diak kayat a sayangen dagita ita. Ket inton nakasaganaak a makideyt, ammokton no ania ti rumbeng a sapulek iti agbalin nga asawak ken no kasano a mataginayonko dayta.”

Mabalinmo ti agkiddaw iti kopia daytoy a libro babaen ti panangsuratmo iti kupon iti baba ken ipatulodmo dayta iti adres a naipaay wenno iti maitutop nga adres a nailista iti panid 5 daytoy a magasin.

□ Interesadoak iti libre a panagadal iti Biblia.

□ Kayatko ti maaddaan iti kopia ti libro a naipakita ditoy.

[Ladawan iti panid 32]

Jessicah

[Ladawan iti panid 32]

Breann

[Ladawan iti panid 32]

Katrina