Ebolusion Wenno Panamarsua Ania Kadagita?

◼ Idi agtawen iti 12 ni Aspen a taga-Mexico, kiniddaw kenkuana ti maestrana iti biologo nga ilawlawagna kadagiti kaklasena iti maikapito a grado no apay a patienna ti panamarsua imbes a ti ebolusion. Nasayaat ti panangilawlawag ni Aspen, a kinunana nga adda perpekto a disenio ti tunggal organismo a mangpaneknek nga adda diseniador ken namarsua. Gapu ta ammona a geologo dagiti nagannak ni Aspen, kiniddaw ti maestra a mangisagana ken mangidatag kadagiti impormasion tapno makita no ti panamarsua ket suportaran met laeng dagiti rekord ti fossil.

Kabigatanna, nangitugot ni Aspen iti sumagmamano a fossil ken imbagana iti klaseda a saan a paneknekan dagiti fossil ti in-inut a panagbalbaliw. Inlawlawagna pay a ti tunggal grupo dagiti fossil ket nagbiag iti nagduduma a panawen, a mangpatalged iti salaysay ti Genesis maipapan iti panamarsua.

Ti prinsipal ti eskuelaan ket presente ken nagyaman ken Aspen gapu iti pammatina ket iti panangidepensana iti panamarsua. Kinuna ti maestrana a ti panamarsua aramidenna a nalawag ti amin a bambanag idinto ta ti ebolusion pataudenna ti adu a panagduadua. Inikkanna ti prinsipal, maestra, ken dagiti kaklasena kadagiti pagbasaan a naglaon kadagiti sientipiko nga impormasion a mangpaneknek iti panamarsua.

Pinanunotyo kadin no adda natalged a sientipiko a pammaneknek nga adda Namarsua? No wen, adda kadi pamatiantayo nga Isu ket maseknan kadatayo? Paregtaendakayo a mangbasa iti makapainteres a 256 ti panidna a libro a Life—How Did It Get Here? By Evolution or by Creation?

Mabalinyo ti agkiddaw iti kopia daytoy a libro no suratanyo ti kupon ken ibusonyo iti naipaay nga adres iti kupon wenno iti maitutop nga adres iti panid 5 daytoy a magasin.

□ Kayatko ti maaddaan iti libro a naipakita ditoy.

□ Interesadoak iti libre a panagadal iti Biblia.