Ni Jesus ti “Mangikkat iti Basol ti Lubong”

● Kinuna ni Juan a Manangbautisar a ni Jesus ti “mangikkat iti basol ti lubong.” (Juan 1:29) Itampok dayta ti akem ni Jesus a mangisalakan iti natulnog a sangatauan.

Ngem apay a masapul a matay ni Jesus tapno maisalakan dagiti managbasol? Ania ti naaramidanna iti situtulok a panangitedna iti biagna? Siasino ti magunggonaan iti ipapatayna? Ania ti kaipapanan dayta kenka?

Kada tawen, agtataripnong dagiti Saksi ni Jehova tapno laglagipenda ti anibersario ti ipapatay ni Jesus. Ita a tawen, maangay dayta inton Domingo, Abril 17, kalpasan ti ilelennek ti init.

Naimpusuan nga awisendaka dagiti Saksi ni Jehova a makikadua kadakuada a mangusig iti kinapateg ti ipapatayna. Mailawlawagto ti sungbat ti Biblia kadagiti saludsod iti ngato.

Mabalinmo ti tumabuno iti lugar a kaasitgan iti pagnanaedam. Damagem kadagiti Saksi ni Jehova iti lugaryo ti eksakto nga oras ken lugar a pakaangayanna.