Kasano a Maipakitam a Matalekka ken Jehova?

Dumasigka iti Dios. 1 Pedro 5:6-9

Dika makiraman iti aniaman a kostumbre a saan a maitunos iti Biblia. Kasapulam ti tured tapno maaramidmo daytoy.

Dika makiraman iti napolitikaan nga ar-aramid dagiti nasion; saanda a supsuportaran ni Jehova ken ti Pagarianna.

Piliem ti umiso a desision​—dumngegka iti Dios. Mateo 7:24, 25

Makikaduaka kadagiti Saksi ni Jehova; tulongandaka nga umasideg iti Dios.

Itultuloymo ti agsursuro maipapan iti Dios ken ikagumaam a tungpalen dagiti bilinna.

No napigsan ti pammatim, masapul nga idedikarmo ti biagmo ken Jehova ket agpabautisarka.​—Mateo 28:19.

Dumngegka iti Dios. Basaem ti Biblia, ken agpatulongka kadagiti Saksi ni Jehova a mangtarus iti dayta. Sa iyaplikarmo dagiti maadalmo. No kasta ti aramidem, agbiagkanto iti agnanayon.​—Salmo 37:29.