PASET 4

Dimngegda ken Satanas—Ania ti Resultana?

Saan a nagtulnog da Adan ken Eva iti Dios, isu a natayda. Genesis 3:6, 23

Kanen ni Eva ti maiparit a bunga sa ikkanna ni Adan

Dimngeg ni Eva iti uleg ket nangan iti bunga. Kalpasanna, inikkanna ni Adan, ket nangan met.

Panawan da Adan ken Eva ti Paraiso a pagtaenganda

Di umiso ti inaramidda—basol dayta. Pinagtalaw ida ti Dios iti Paraiso.

Limmakay ken bimmaket da Adan ken Eva sa natayda

Nagrigat ti biagda ken dagiti annakda. Limmakay ken bimmaketda sa natayda. Saanda a napan iti lubong dagiti espiritu no di ket awandan.

Awan biag dagiti natay a kas iti tapok. Genesis 3:19

Tattao iti nadumaduma a kultura iti nagduduma a panawen

Mataytayo ta naggaputayo amin kada Adan ken Eva. Saan a makakita, makangngeg, wenno makaaramid iti aniaman dagiti natay.—Eclesiastes 9:5, 10.

Matmatayen a balasitang a sangsangitan ti pamiliana

Saan a panggep ni Jehova a matay dagiti tattao. Din agbayag, pagungarennanto dagidiay matmaturog ken patay. No dumngegda kenkuana, agbiagdanto iti agnanayon.