Panagasawa
Kaano a nangrugi ti panagasawa?
Siasino koma ti pilien ti maysa a Kristiano a pakiasawaan?
Apay a saan koma a palubosan ti maysa a pudno a Kristiano a makiasawa ti bautisado nga anakna iti saan a dedikado ken bautisado nga adipen ni Jehova?
Makatulong a salaysay iti Biblia:
Ge 24:1-4, 7—Inkagumaan ti lakayen a ni Abraham ti mangbirok iti agbalin nga asawa ti anakna a ni Isaac kadagiti agserserbi ken Jehova, saan a kadagiti Canaanita nga agserserbi iti sabali a dios
Ge 28:1-4—Imbilin ni Isaac iti anakna a ni Jacob a mangbirok iti asawa kadagiti agdaydayaw ken Jehova, saan a kadagiti Canaanita
Ania ti rikna ni Jehova kadagidiay nakiasawa iti saan a manamati?
Makatulong a salaysay iti Biblia:
1Ar 11:1-6, 9-11—Nakapungtot ni Jehova gapu ta saan nga inkaskaso ni Ari Solomon dagiti pakdaarna, nangasawa kadagiti ganggannaet a babbai ken nagpaimpluensia kadakuada nga agdayaw kadagiti sabali a dios
Ne 13:23-27—Kas ken Jehova, nakapungtot unay ni Gobernador Nehemias idi nangasawa dagiti Israelita a lallaki kadagiti ganggannaet a babbai a saan nga agserserbi ken Jehova isu a dinisiplina ken inlintegna ida
Apay a nainsiriban ti mangpili iti asawa nga agserserbi a simamatalek ken Jehova ken nasayaat ti reputasionna?
Kitaem met ti Efe 5:28-31, 33
Makatulong a salaysay iti Biblia:
1Sm 25:2, 3, 14-17—Nabaknang ni Nabal ngem nauyong ken dakes ti ugalina isu a saan a nasayaat nga asawa para ken Abigail
Pr 21:9—No saan a nasayaat ti mapilitayo a pakiasawaan, mabalin a saantayto a naragsak ken nariribukto ti biagtayo
Ro 7:2—Inlawlawag ni apostol Pablo a no makiasawa ti maysa a babai, masapul nga agpasakup iti autoridad ti imperpekto nga asawana; isu a masapul a pilienna a naimbag ti pakiasawaanna
Panagsagana a makiasawa
Apay a masapul a siguraduen ti maysa a lalaki a kayana ti mangbiag iti pamilia sakbay a mangasawa?
Makatulong a salaysay iti Biblia:
Pr 24:27—Sakbay a mangasawa ken maaddaan iti anak ti maysa a lalaki, masapul nga agtrabaho a naimbag tapno masuportaranna ti pamiliana
Apay a rumbeng nga agpabalakad ti lalaki ken babai nga agin-innarem ken agpokusda iti makin-uneg a kinatao imbes nga iti itsura?
Makatulong a salaysay iti Biblia:
Ru 2:4-7, 10-12—Naam-ammo ni Boaz ni Ruth idi nakitana ti kinagagetna nga agtrabaho, ken idi nadamagna kadagiti mapagtalkan a tattao a nasayaat ti reputasionna, ti panangtratona iti pamiliana, ken ti espiritualidadna
Ru 2:8, 9, 20—Naam-ammo ni Ruth ni Boaz idi nakitana ti kinaimbagna, ti kinaparaburna, ken ti ayatna ken Jehova
Apay a kayat ni Jehova nga agtalinaed a nadalus iti moral dagiti agnobio agingga nga agkasarda?
Makatulong a salaysay iti Biblia:
Pr 5:18, 19—Adda dagiti panangipakita iti ayat a para laeng kadagiti agassawa
Sol 1:2; 2:6—Nadalus ti panangipakita ti pastor ken ti balasang a Sulamita iti ayatda iti maysa ken maysa
Sol 4:12; 8:8-10—Nagtalinaed a nadalus iti moral ti balasang a Sulamita ken impakitana ti panagteppel; isu ket kasla iti naserraan a hardin
Apay a masapul a maitunos iti linteg ti gobierno ti panagkasar ti agnobio?
Ti akem ti asawa a lalaki
Ania dagiti nadagsen a responsabilidad a naipabaklay iti asawa a lalaki?
Makin-ulidan iti kinaulo ti masapul a tuladen ti Kristiano nga asawa a lalaki?
Apay a masapul nga ipakita ti asawa a lalaki nga ay-ayaten ken maawatanna ti rikrikna ni baketna?
Makatulong a salaysay iti Biblia:
Ge 21:8-12—Imbaga ni Jehova ken Abraham a denggenna ti asawana a ni Sara uray saanna a nagustuan ti solusionna
Pr 31:10, 11, 16, 28—Ti nasayaat nga asawa a lalaki ket saan la a kamali ti kitkitaenna ken saanna a konkontrolen ni baketna; imbes ketdi, agtalek ken komendaranna
Efe 5:33—Sigun ken apostol Pablo, masapul a marikna ti asawa a babai nga ay-ayaten ni lakayna
Ti akem ti asawa a babai
Ania ti napateg a responsabilidad nga impabaklay ni Jehova iti Kristiano nga asawa a babai?
Makaipababa kadi iti dignidad ti akem ti asawa a babai?
Makatulong a salaysay iti Biblia:
Pr 1:8; 1Co 7:4—Inikkan ti Dios dagiti assawa a babbai ken inna iti autoridad iti uneg ti pamilia
1Co 11:3—Inlawlawag ni apostol Pablo nga iti urnos ni Jehova adda ulo a pagpasakupan ti amin, malaksid ti Mannakabalin-amin a Dios
Heb 13:7, 17—Iti kongregasion, dagiti lallaki ken babbai ket masapul nga agpasakup ken agtulnog kadagiti nadutokan a mangidaulo
Kasano a maparagsak ti maysa a Kristiano nga asawa a babai ni Jehova uray no saan a Saksi ti asawana?
Apay a masapul nga itultuloy a respetuen ti Kristiano nga asawa a babai ti asawana?
Makatulong a salaysay iti Biblia:
Ge 18:12; 1Pe 3:5, 6—Nauneg ti respeto ni Sara iti asawana; inawaganna pay iti “apo,” wenno naespirituan nga ulo uray iti isipna
Iti Biblia, ania a kita ti asawa a babai ti mapadpadayawan?
Makatulong a salaysay iti Biblia:
Ge 24:62-67—Idi natay ti nanang ni Isaac, tinulongan ken liniwliwa ti asawana a ni Rebecca
1Sm 25:14-24, 32-38—Prinotektaran ni Abigail ti maag nga asawana ken inispalna ti sangakabbalayanda idi sipapakumbaba a nagpakaasi ken David
Es 4:6-17; 5:1-8; 7:1-6; 8:3-6—Namindua a nagpeligro ti biag ni Reyna Ester idi napan iti asawana nga ari uray saan a napaayaban tapno ipakaasina a protektaranna ti ili ti Dios
Panangsolbar kadagiti problema
Ania dagiti prinsipio a makatulong kadagiti agassawa tapno masolusionan dagiti problema iti panagasawada?
Ania dagiti prinsipio a makatulong kadagiti agassawa tapno agbalinda a balanse no maipapan iti kuarta?
Lu 12:15; Fil 4:5; 1Ti 6:9, 10; Heb 13:5
Kitaem met ti “Kuarta”