FEATURE
Siudad ti Jerusalem (David/Dolomon)
TI KADAANAN a Jerusalem ket isu ti disso a pinili ni Jehova a pangikabilanna iti naganna. (2Cr 6:6) Nagpaay dayta kas sentro ti nasin-aw a panagdaydayaw ken kabesera ti gobierno ti Israel. Ti ar-ari a nagturay manipud Jerusalem ket naikuna a nagtugaw “iti trono ni Jehova.”—1Cr 29:23.
Innala ni Ari David ti salindeg ti Bantay Sion manipud kadagiti Jebuseo ket inaramidna dayta a kabeserana. Pinalawa ni Solomon ti siudad ken pinarang-ayna agingga iti alimpatok ti kinadayag dayta, a nangibangon iti naranga a templo kasta met iti makapasiddaaw a patpatakder ti gobierno iti Bantay Moria ken iti darisdisna. Ti Jerusalem ket siudad a nainaig unay iti nagan ni Jehova.
Daytoy ti tumulong kadatayo a mangtarus no apay a nakalatlatak ti Jerusalem iti padto ti Biblia. Maikanatad dayta kas simbolo ti nailangitan a paset ti organisasion ni Jehova ken ti Mesianiko a Pagarianna iti im-ima ni Jesu-Kristo.
MAPA: Jerusalem, Bayat ti Panagari da David ken Solomon
Dagiti Numero iti Mapa (1) Ti Templo. (2) Dakkel a Paraangan. (3) Beranda ti Trono. (4) Beranda Dagiti Adigi. (5) Balay ti Bakir ti Libano. (6) Palasio ni Solomon. (7) Balay ti Anak a Babai ni Faraon. (8) Agdan nga Agturong iti Paraangan ti Templo. (9) Palasio ni David. (10) Tolda Maipaay iti Lakasa. (11) Ruangan ti Danum. (12) Ruangan ti Ubbog. (13) Makinlaud a Ruangan. (14) Ruangan ti Karnero. (15) Ruangan ti Pannakasukimat. (16) Ruangan ti Kabalio.