Namunganayan Dagiti Nasion

TI INTERO a sangatauan ket nagtaud iti immuna a natauan a pagassawaan, da Adan ken Eva. (Ge 1:28; 3:20; 5:1, 2) Kalpasan ti Layus, ni Noe babaen kadagiti tallo nga annakna ken assawada a nakalasat iti dayta a sangalubongan a Layus ti nagtaudan ti baro a populasion ti daga, pakairamanan dagiti amin a puli ken nasional a bunggoy ditoy daga itatta. Gapuna, kunaen ti salaysay ti Genesis kalpasan ti panangilanadna iti 70 a putot ti annak ni Noe: “Manipud kadagitoy naiwaras dagiti nasion iti daga.”​—Ge 10:32.