ABI-ALBON

Benjamita ken maysa a nakalalaing a mannakigubat a nailista a karaman iti 37 kadagiti kamamaingelan a mannakidangadang ni Ari David. (2Sm 23:31) Nabatad nga isu ni Abiel a natukoy iti pumadpada a teksto iti 1 Cronicas 11:32. Isu naawagan iti Arbatita, nalabit gapu ta naggapu idiay siudad ti Bet-araba, nga adda iti asideg ti beddeng iti nagbaetan ti Benjamin ken Juda iti ngatuen ti makin-amianan nga ungto ti Natay a Baybay. (Jos 15:6; 18:21, 22) Ti kinamaingelna iti pannakidangadang ket maitunos iti padto ni Jacob idi matmatayen maipapan iti tribu ni Benjamin.​—Ge 49:27.