TIRSATA

Ti Persiano a titulo ti gobernador ti maysa a masaksakupan a distrito. Iti lima a pannakausar daytoy a titulo, sarunuen dayta ti Hebreo a piho nga artikulo a ha, isu a mabasa dayta kas “ti Tirsata.”

Dagiti opisial a nadakamat iti Biblia babaen iti titulo a “Tirsata” ket nagturayda iti Juda, maysa kadagiti probinsia ti Persia. Nabatad a ni Zorobabel ti Tirsata a nadakamat iti Esdras 2:63 ken iti Nehemias 7:65, 70. Idi agangay, idi nagbalin a gobernador ni Nehemias, isu ti Tirsata ken naawagan iti kasta iti Nehemias 8:9 ken 10:1.