HOLON

[Disso ti Darat].

1. Maysa a siudad iti kabambantayan a rehion ti Juda a naituding iti papadi a Cohatita (Jos 15:21, 48, 51; 21:9-19); nalawag a naawagan Hilen iti 1 Cronicas 6:58. Naikuna a ti Holon ti Juda ket isu ti Khirbet ʽIllin (Horvat ʽIllit), agarup 17 km (11 mi) iti amianan nga amianan-a-laud ti Hebron nupay saan a sigurado.

2. Maysa a siudad ti Moab iti tanap, wenno “nalantag a pagilian,” nga adda iti daya ti Jordan a nadakamat a karaman iti dadduma pay a siudad iti maysa a pammakdaar maibusor iti Moab. (Jer 48:21) Saan nga ammo ti eksakto nga ayanna iti agdama.