SALMON

Ti anak ni Naason a panguluen ti Juda, nalabit nayanak kabayatan ti 40-tawen a panagdaliasat iti let-ang. Ni Salmon inasawana ni Rahab a taga Jerico, ket ni Boaz ti nagbalin nga anakda. No kasta, isu maysa a paset ti linia ti kaputotan nga agturong kada David ken Jesus. (Nu 2:3; Ru 4:20-22; Mt 1:4, 5; Lu 3:32) Isu ket naawagan Salma iti 1 Cronicas 2:11. Nupay kasta, daytoy a Salmon a kaputotan ni Ram ken nagnaed ti annakna idiay Betlehem ket saan koma nga ipagarup nga isu ti Salma a nadakamat idiay 1 Cronicas 2:51, 54 kas “ama” wenno nangbuangay iti Betlehem, ta daytoy a Salma ket kaputotan ti kabsat ni Ram a ni Caleb.​—Idiligyo ti 1Cr 2:9, 18.