Para Kadakayo nga Agtutubo
No Kasano ti Makasarak iti Napudno a Gayyem
Instruksion: Usigem daytoy iti naulimek nga aglawlaw. Bayat a basbasaem dagiti teksto, darepdepem a karamanka iti eksena ken mangmangngegmo dagiti timek. Riknaem ti emosion dagiti kangrunaan a karakter. Aramidem a nabiag iti isipmo ti eksena.
Dagiti kangrunaan a karakter: Jonatan, David, ken Saul
Sumario: Kalpasan ti panangpapatay ni David ken Goliat, nagbalin a nasinged nga aggayyem da Jonatan ken David.
1 USIGEM TI EKSENA.—BASAEM TI 1 SAMUEL 17:57–18:11; 19:1; 20:1-17, 41, 42.
Deskribirem ti mapanunotmo a langa ni Saul. (Pangripiripan: Kitaem ti 1 Samuel 10:20-23.)
․․․․․
Nalabit maysa a tin-edyer ni David idi naam-ammona ni Jonatan. Ania ti pagarupmo a langa ni David? (Pangripiripan: Kitaem ti 1 Samuel 16:12, 13.)
․․․․․
Iti ngudo ti 1 Samuel kapitulo 20, ania a rikna ti iparipirip ti timek da David ken Jonatan idi agsinada?
․․․․․
2 SUKIMATEM A NAIMBAG.
Kuna ti salaysay a “ti mismo a kararua ni Jonatan naisinggalut iti kararua ni David”—wenno “nagbalin a nasinged nga aggayyem da David ken Jonatan,” kas impatarus ti Contemporary English Version. (1 Samuel 18:1) Ania dagiti galad ni David a nakaguyugoyan ni Jonatan a makigayyem kenkuana? (Pangripiripan: Kitaem ti 1 Samuel 17:45, 46.)
․․․․․
In-inauna ni Jonatan ngem ni David iti agarup 30 a tawen. Ngem iti panagkunam, apay a nagbalinda a “nasinged nga aggayyem” nupay dakkel ti ariringda iti edad?
․․․․․
Kas naipakita iti daytoy makapainteres a salaysay, ania ti sumagmamano a pakakitaan ti napudno a gayyem? (Pangripiripan: Kitaem ti Proverbio 17:17; 18:24.)
․․․․․
Apay nga impangpangruna ni Jonatan ti kinasungdona ken David ngem iti kinasungdona iti amana?
․․․․․
3 IYAPLIKARMO TI NAADALMO. ISURATMO NO ANIA TI NAADALMO MAIPAPAN ITI . . .
Panaggayyem.
․․․․․
Kinasungdo.
․․․․․
Pannakigayyem iti in-inauna.
․․․․․
Ania ti aramidem tapno maaddaanka kadagiti napudno a gagayyem?
․․․․․
4 ANIA A PASET DAYTOY A SALAYSAY TI KANGRUNAAN A NANGTUKAY ITI RIKNAM, KEN APAY?
․․․․․
NO AWAN TI BIBLIAM, AGKIDDAWKA KADAGITI SAKSI NI JEHOVA, WENNO BASAEM ITI www.watchtower.org