Para Kadagiti Agtutubo
Dika Agbalin nga Ambisioso!
Instruksion: Usigem daytoy iti naulimek nga aglawlaw. Bayat a basbasaem dagiti teksto, panunotem a karamanka iti eksena ken mangmangngegmo dagiti timek. Riknaem ti emosion dagiti kangrunaan a karakter. Biagem ti eksena iti isipmo.
Dagiti kangrunaan a karakter: David, Absalom, Joab
Sumario: Kayat ni Absalom nga agawen ti trono ni amana.
USIGEM TI EKSENA.—BASAEM TI 2 SAMUEL 14:25-33; 15:1-17; 18:9-17, 30-33.
Deskribirem ti mapanunotmo nga itsura ni Absalom. (Basaem manen ti 2 Samuel 14:25, 26.)
Ania ti mapanunotmo a kababalin ken tono ti boses ni Absalom bayat a guyguyugoyenna dagidiay mapan agkiddaw ti hustisia iti ari? (Basaem manen ti 2 Samuel 15:2-6.)
Ania ti madlawmo a kababalin ni Absalom kas ipakita ti pasamak a mabasa iti 2 Samuel 14:28-30?
SUKIMATEM A NAIMBAG.
Ania ti inaramid ni Absalom tapno maagawna ti trono? (Makatulong no basaem ti 2 Samuel 13:28, 29. Ni Amnon ti inauna nga anak ni David ken agtawid iti trono.)
Malaksid iti ambision ken iti gandatna a mangitan-ok iti bagina, ania ti ipakita ti pannakaitabon ni Absalom maipapan iti pudno a kinasiasinona? (Basaem manen ti 2 Samuel 18:17.)
Panagkunam, apay ngata a nagbalin nga ambisioso ni Absalom? (Kas panangidilig, basaem ti nadakamat maipapan ken Diotrefes iti 3 Juan 9, 10.)
Ania ti narikna ni David iti inaramid ni Absalom? (Makatulong no basaem ti Salmo 3 nga insurat ni David idi nagrebelde ni Absalom.)
IYAPLIKARMO TI NAADALMO. ISURATMO NO ANIA TI NAADALMO MAIPAPAN ITI . . .
Peggad ti agbalin nga ambisioso.
Rigat a sagabaen ti sabsabali agraman dagiti nagannak gapu iti tignay ti maysa a tao.
DADDUMA PAY NGA APLIKASION.
Kasano a posible nga agbalinka nga ambisioso?
Kasanom a maliklikan ti agbalin a natangsit?
ANIA A PASET DAYTOY A SALAYSAY TI KANGRUNAAN A NANGTUKAY ITI RIKNAM, KEN APAY?
Singasing: Mangpanunotka iti sabali a pagtungpalan daytoy a salaysay. Ania ngata ti napasamak no nagbalin a naemma ni Absalom?—Proverbio 18:12.