Repaso iti Teokratiko nga Eskuelaan ti Panagministro
Mausig dagiti sumaganad a saludsod iti lawas a mangrugi iti Agosto 27, 2012. Naikabil met ti petsa no kaano a maadal ti tunggal punto.
1. Ania ti iladladawan ti sirmata ni Ezequiel maipapan iti apostata a Juda, ken ania a napateg a leksion ti masursurotayo? (Ezeq. 8:15-17) [Hul. 2, w07 7/1 p. 13 par. 6; w93 1/15 p. 27-28 par. 7, 12]
2. Iti ania a pamay-an a tultuladen ti kaaduan a lider ti relihion dagiti palso a mammadto idi kaaldawan ni Ezequiel? (Ezeq. 13:3, 7) [Hul. 9, w99 10/1 p. 13 par. 14-15]
3. Iti padto a nailanad iti Ezequiel 17:22-24, siasino ti “saringit,” ania ti “natayag ken nangato a bantay” a nakayakaranna a naimula, ken iti ania a pamay-an nga agbalin daytoy a “nadaeg a sedro”? [Hul. 16, w07 7/1 p. 12-13 par. 6]
4. Sigun iti proverbio a nadakamat iti Ezequiel 18:2, siasino ti pabpabasolen dagiti pada ni Ezequiel a naidestiero gapu iti panagsagabada, ken ania a napateg a leksion ti masursurotayo? [Hul. 23, w88 9/15 p. 18 par. 10]
5. Kasano nga ipakita ti pasamak a nailanad iti Ezequiel 21:18-22 a saan a malapdan dagiti tattao wenno dagiti demonio ti panggep ni Jehova? [Hul. 30, w07 7/1 p. 14 par. 4]
6. Kas nailanad iti Ezequiel 24:6, 11, 12, ania ti iladladawan ti lati iti paglutuan a banga, ken ania a prinsipio ti masarakantayo iti bersikulo 14? [Ago. 6, w07 7/1 p. 14 par. 2]
7. Kasano a natungpal ti padto maibusor iti siudad ti Tiro? [Ago. 6, it-1 p. 108, kahon; si p. 133 par. 4]
8. Ania dagiti sasao a nailanad iti Ezequiel 28:2, 12-17 nga agpada a maitutop iti “ari ti Tiro” ken ti orihinal a traidor, ni Satanas? [Ago. 13, w05 10/15 p. 23-24 par. 10-14; it-1 p. 1439 par. 3-4]
9. Kaano a nalangalang ti Egipto iti 40 a tawen, ken ania ti pammaneknektayo a napasamak ti kasta a pannakalangalang? (Ezeq. 29:8-12) [Ago. 13, w07 8/1 p. 8 par. 5]
10. Ania ti reaksion ni Ezequiel iti saan a panangipangag, panangumsi, ken kinaawan interes dagiti tattao, ket ania ti impanamnama kenkuana ni Jehova? (Ezeq. 33:31-33) [Ago. 20, w91 3/15 p. 17 par. 16-17]