Repaso iti Teokratiko nga Eskuelaan ti Panagministro

Mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Disiembre 31, 2012. Naikabil ti petsa no kaano a maadal ti tunggal punto tapno makapagsukimatkayo bayat ti panagsaganayo iti eskuelaan iti tunggal lawas.

1. Kasano a natungpal ti padto a nailanad iti Joel 2:1-10, 28 maipapan iti panangraut dagiti insekto? [Nob. 5, w07 10/1 p. 13 par. 1]

2. Iti siasino a matungtungpal ti Amos 8:11, ken ania ti nasken nga isaludsodtayo iti bagitayo, yantangay agbibiagtayo iti tiempo a nawadwad ti naespirituan a taraon? [Nob. 12, jd p. 60-61 par. 9]

3. Apay a nagbalin a nadursok ti puso dagiti Edomita, ken ania a kinapudno ti ditay koma pulos liplipatan? (Abd. 3, 4) [Nob. 19, w07 11/1 p. 14 par. 1]

4. Iti ania a pamay-an a nagladingitan ni Jehova ti inyebkasna a didigra maibusor kadagiti agnanaed iti Nineve? (Jon. 3:8, 10) [Nob. 19, w07 11/1 p. 15 par. 1]

5. Kasano a ti pannagna iti nagan ti Dios patibkerenna ti pannakigayyemtayo kenkuana? (Mik. 4:5) [Nob. 26, jd p. 88 par. 12]

6. Ania a pammatalged ti ipaay kadatayo ti pannakatungpal ti padto a nailanad iti Nahum 2:6-10? [Dis. 3, w07 11/15 p. 9 par. 2; w88 2/15 p. 28 par. 7]

7. Ania ti kaipapanan ti Haggeo 1:6, ken ania a leksion ti nasken nga ipapusotayo? [Dis. 10, w06 4/15 p. 22 par. 12-15]

8. Kasanotayo a mayaplikar ti praktikal a balakad a nailanad iti Zacarias 7:10 a ‘ditay manggandat iti dakes maibusor iti maysa ken maysa’ iti puspusotayo? [Dis. 17, jd p. 113 par. 6; w07 12/1 p. 11 par. 3]

9. Apay a makaliwliwa ti sasao iti Zacarias 4:6, 7 kadagiti agdaydayaw ita ken Jehova? [Dis. 17, w07 12/1 p. 11 par. 1]

10. Mainaig iti nadakamat iti Malakias 3:16, apay a saan koma a pulos kumapuy ti determinasiontayo nga agtalinaed a natarnaw iti Dios? [Dis. 31, w07 12/15 p. 29 par. 3]