Dauða Krists minnst um heim allan
1 Jehóva hefur látið rigna yfir okkur gjöfum. Gæska hans og ástrík góðvild nær hámarki í hinni ‚óumræðilegu gjöf.‘ Já, óverðskulduð góðvild Guðs er svo stórkostleg að okkur skortir orð til að lýsa henni. — 2. Kor. 9:14, 15.
2 Mesta gjöfin: Jesús Kristur, lausnari mannkyns, er mesta gjöfin. Jehóva gaf elskaðan og eingetinn son sinn til tákns um hinn mikla kærleika sinn til mannheims. (Jóh. 3:16) Það er viðeigandi að þessarar óverðskulduðu blessunar Guðs sé minnst um heim allan. En hvenær og hvernig? Fimmtudagskvöldið 1. apríl 1999 halda kristnir menn um allan heim kvöldmáltíð Drottins hátíðlega og minnast mestu fórnar allra tíma. — 1. Kor. 11:20, 23-26.
3 Kristur dó fyrir okkur „meðan vér enn vorum í syndum vorum.“ Við getum persónulega sýnt þakklæti okkar með því að sækja minningarhátíðina um dauða hans og bjóða öðrum að koma á þessa þýðingarmiklu samkomu. — Rómv. 5:8.
4 Mikilvægasti viðburður ársins: Minningarhátíðin um dauða Krists beinir fyrst og fremst athyglinni að því hvernig hann hélt drottinvaldi Guðs á loft af fullkominni ráðvendni. Hún minnir okkur einnig á að við getum staðið hrein frammi fyrir Jehóva með því að iðka trú á lausnarfórn Jesú og öðlast þar með von um hjálpræði. (Post. 4:12) Þetta er sannarlega mikilvægasti viðburður ársins!
5 Við getum sýnt kærleika til náungans með því að bjóða fólki að minnast kvöldmáltíðar Drottins með okkur. Milljónir manna geta enn notið góðs af lausnarfórninni með því að læra um verðmæti hennar og yfirburði. (Fil. 3:8) Þeir sem iðka trú á lausnarfórn Krists geta öðlast trausta von um eilíft líf. — Jóh. 17:3
6 Um minningarhátíðarleytið höfum við sérstakt tækifæri til að sýna að við metum að verðleikum hina yfirgnæfanlegu góðvild Guðs. Þá er afbragðstími til að prédika fagnaðarerindið um Guðsríki af kostgæfni. Mikil blessun bíður allra sem íhuga í bænarhug hina óumræðilegu gjöf Jehóva og gera ráðstafanir til að vera viðstaddir þegar kvöldmáltíð Drottins verður haldin hátíðleg á þessu ári.