Illo Oga Sabọ Ziẹn Mhan Udu

Paul bi Silas da ha so illo rẹ gẹn Osẹnobulua ẹghe nin ele rẹ ha ribhi ighan. (Ac 16:25) Bhi ẹghe nọnsẹmhan, ibhio mhan ne ha ribhi ighan bhi Sachsenhausen bi ibhio mhan nan muno ha khian Siberia da yẹ ha so illo oga. Ene ijiẹmhin nan rẹman ghe illo oga sabọ ziẹn mhan udu sade mhan ribhi edọnmhẹn.

Urolo ebhebhe ne bunbun dẹ kẹ ha mhọn ebe illo ọgbọn natiọle “Sing Out Joyfully” to Jehovah. Mhan a ki ha mhọn ọkpa bhi ọne ebe illo nan, mhan sabọ ha luẹ ene illo ne ribhọ bhi oga azagba-uwa nọnsẹmhan nin mhan rẹ manman guẹ ene illo. (Eph 5:19) Bhiriọ, ahu ẹlinmhin nọnsi Osẹnobulua ki rẹkpa mhan rẹ ye ele re bhi ẹghe edọnmhẹn. Illo oga rẹkpa mhan rẹ ha ye ikhuaẹloghe nọnsẹmhan re. Ele yẹ sabọ ziẹn mhan udu bhi ẹghe edọnmhẹn. Ene illo yẹ sabọ rẹkpa mhan rẹ re eghọnghọn nọn ri mhan bhi ọkhọle man, ranmhude ọta nan gbẹn ọbhọ ja re eghọnghọn so. (1Ch 15:16; Ps 33:​1-3) Bha ji mhan dọnmhegbe nin mhan rẹ noo ene illo nan nọnsẹn!

GHE ỌNE IVIDIO NỌN YỌLE ILLO NỌN ZIẸN UDU ỌSI ENE RIBHI IGHAN. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• Bebhọ re iFrost nin obhio mhan gbẹn illo?

• Bebhọ ọne illo nan rẹ ziẹn udu ọsi ibhio mhan ne ha ribhi ighan bhi Sachsenhausen yẹ?

• Emhin be la sabọ sunu bhi iẹnlẹn ukpẹdẹ-ukpẹdẹ nọnsẹmhan nin illo oga ada ziẹn mhan udu?

• Illo oga nesẹmhan nela uwẹ guanọ nin uwẹ manman guẹ?