Noo Ebe Natiọle Sọnyẹnmhẹn bhi Ighegheghe! bhi Iwẹnna Itẹmhọn Osẹnobulua

Ọ wo ti mhan bhọ ghe mhan mhọn brokiọ bi ebe ọsọgbọn nin mhan ha rẹ ha man ẹbho iBaibo! Mhan bhii Jehova nin ọle nan erọnmhọn mhan beji mhan rẹ rẹkpa ẹbho kiẹn edibo nesi Jesu. (Mt 28:​18-20; 1Co 3:​6-9) Be imhan ha rẹ sabọ noo ene ebe ọsọgbọn nan yẹ?

Beji a miẹn ọne ebe nan natiọle Sọnyẹnmhẹn bhi Ighegheghe! dẹ rẹkpa mhan rẹ ha noo uwedẹ ọsọgbọn rẹ man ẹbho iBaibo, bha ji mhan rẹkhan ene adia nan ne ha rẹkpa mhan rẹ muegbe ene iluẹmhin ọbhi otọ, yẹ rẹkpa mhan rẹ noo ọle ha man ẹbho iBaibo.a

• Tie ọne ebe yẹ zilo nyan ene inọnta ne ribhọ

• Tie iBaibo nan yọle nan tie, yẹ rẹkpa ọne uwẹ man ọle iBaibo rẹ lẹn ebi a re ọle ta

• Re ene ividio man, uwẹ ha yẹ re inọnta ne ribhọ rẹ zilo nyan ọlẹn

• Dọnmhegbe rẹ re osukpa luẹ iluẹmhin ọkpa sotọ

Ahamiẹn uwẹ ribhi iwẹnna itẹmhọn Osẹnobulua, ka re ọne ibrokiọ nin ọria nọn ka uwẹ ehọ, nin uwẹ rẹ lẹn si ọle gene guanọ nin ọle luẹ iBaibo. (Fẹ ọne ẹkpẹti ghe nọn yọle, “Ebi Uwẹ Ha Rẹ Re Ibrokiọ Natiọle Sọnyẹnmhẹn bhi Ighegheghe! Nin Ọria Yẹ Sade Uwẹ Miẹn Ọria Ọsọhẹnhẹn.”) Bha ha luẹ ọne ibrokiọ sotọ, nan miẹn ghe, ọne uwẹ man ọle iBaibo yẹ guanọ nin ọle ha luẹ iBaibo, uwẹ ha re ebe nọn ribhọ nanlẹn, yẹ munhẹn ha man ọle emhin bhi iluẹmhin 04. Ahamiẹn ghe uwẹ munhẹn ha noo ebe natiọle Luẹ IBaibo la Remain in God’s Love rẹ man ọria iBaibo fo, zobọ bhọ, uwẹ ha munhẹn ha noo ebe natiọle Sọnyẹnmhẹn bhi Ighegheghe! Uwẹ ha tobuwẹ zẹ eji bha ha da munhẹn bhi ọne ebe.

GHE ỌNE IVIDIO NATIỌLE, SỌNYẸNMHẸN BHI BAIBO NIN UWẸ DA HA LUẸ. BHA HA KI GHE ỌLE FO, WANNIẸN ENE INỌNTA NAN:

• Be ene imhan man ele iBaibo ha luẹ bhi ebe ọsọgbọn nan?

• Bezẹle nọn da khẹke nin uwẹ re ọne ividio nan man ọria nin uwẹ la munhẹn ha man ọle iBaibo?

• Emhanmhan nela uwẹ ha taman ọria nin uwẹ man ọlẹn iBaibo nin ọle ha mhọnlẹn yẹ dọnmhegbe munsẹ? ​—⁠Fẹ ọne ẹkpẹti ghe nọn yọle, “Ebi Uwẹ Ha Sabọ Luẹ bi Ebi Uwẹ Ha Sabọ Lu Nin Obọ Ọle Kẹkẹ Rẹman”