Uwẹ Dẹ Miẹn Ẹwanlẹn bhi JW.ORG Nin Uwẹ Ha Noo bhi Iẹnlẹn Ukpẹdẹ-ukpẹdẹ

Baibo mhọn adia ne ha rẹkpa mhan rẹ sabọ ha ziẹngbe ọnọghọ kẹkẹ bhi ọne ẹghe ọkike nan. (2Ti 3:​1, 16, 17) Ọrẹyiriọ, ọ sabọ rẹ ha nọghọ mhan ẹgheso rẹ lẹn adia bhi Baibo nọn ha rẹkpa mhan bhi idia nin mhan ye. Bhi ọsi ijiẹmhin, ọbiọmọn uwẹ be khin nọn guanọ adia nọn ha rẹkpa ọle rẹ bẹẹ imọn nesọle wanre? Ọlasẹre uwẹ be khin nọn kuẹlo da edọnmhẹn? Okhuo nin ọdọ ọle yu la okpea nin okhuo ọle yu uwẹ be khin nọn lu akhiẹ? Uwẹ dẹ miẹn uhọnmhọn-ọta kẹkẹ bhi jw.org ne zilo nyan adia bhi Baibo ne ha rẹkpa uwẹ bhi ọnọghọ nin uwẹ ye, bi emhin nekẹle.​—Pr 2:​3-6.

Bhi eji a ka sẹ bhi jw.org, piẹn BIBLE TEACHINGS. (Fẹ ifoto 1 ghe.) Bhi otọle piẹn uhọnmhọn-ọta nọn yẹẹ uwẹ. La piẹn AZA > USUN ỌSI UHỌNMHỌN-ỌTA KẸKẸ, uwẹ ha zẹ ọnọn yẹẹ uwẹ. (Fẹ ifoto 2 ghe.) Uwẹ dẹ yẹ sabọ miẹn ije kẹkẹ nan bhi JW Library^®.a Uwẹ dẹ sabọ miẹn ene uhọnmhọn-ọta nan bhi ẹkẹ jw.org la JW Library^®. La uwẹ dẹ sabọ guanọ uhọnmhọn-ọta nọn yẹẹ uwẹ bhi ẹkẹ eji a tiọle “Search” bhi jw.org.

Gbẹn ene uhọnmhọn-ọta nan ọbhi eji a tiọle “Search,” uwẹ ha zẹ uhọnmhọn-ọta nọn yẹẹ uwẹ rẹ tie.

• Nan rẹ bẹẹ imọn wanre

• Sade ọlasẹre ria eria ne gbe ahu

• Sade ọdọ la amhẹn uwẹ yu