3 Kẹsena Mosis ọ tẹ ta kẹ ahwo na nọ: “Wha kareghẹhọ ẹdẹ nana nọ wha rọ nya no Ijipti na,+ no oria nọ wha jẹ jọ igbo,* keme obọ ogaga Jihova ọ rọ rehọ owhai no etenẹ.+ Fikiere wha rẹ re oware ovo nọ u wo ẹvi* hi.

8 Yọ whọ rẹ ta kẹ ọmọzae ra hrọ evaọ ẹdẹ yena inọ, ‘Fiki oware nọ Jihova o ru kẹ omẹ nọ me je no Ijipti.’+

9 “Wha yọroma je rri omarai mu ziezi,* re eware nọ wha rọ ibiaro rai ruẹ na e gbẹ thọrọ owhai ẹro ho, re i gbe no udu rai hi evaọ edẹ uzuazọ rai kpobi. Wha rẹ jẹ ta ae kẹ emọ* rai gbe emọ-iruọmọ* rai hrọ.+

20 “Evaọ obaro nọ ọmọzae ra ọ tẹ nọ owhẹ nọ, ‘Fikieme Jihova Ọghẹnẹ mai ọ rọ kẹ owhai ekareghẹhọ, ijaje, gbe izi oziẹobro nana?’ 21 kẹsena whọ vẹ ta kẹ ọmọzae ra nọ, ‘Ma jọ erigbo kẹ Fẹro evaọ obọ Ijipti, rekọ Jihova ọ tẹ rehọ obọ ogaga rehọ omai no Ijipti ze. 22 Evaọ iraro mai na, Jihova ọ tẹ jẹ rehọ eka gbe iruo igbunu ze, iye ilogbo nọ e rọ ọraha te Ijipti+ avọ Fẹro gbe ahwo uwou riẹ kpobi.+