15 Keme enẹ yọ mẹ rriẹ obọ mẹ rọ uye ogaga tehe owhẹ avọ ahwo ra no, yọ a hai ti voro owhẹ no otọakpọ na no. 16 Rekọ fiki ugogo ẹjiroro nana me ro vu owhẹ wa uzuazọ: re me dhesẹ ogaga mẹ kẹ owhẹ, je ru re a jọ otọakpọ na soso whowho odẹ mẹ.+

11 Ono evaọ usu eghẹnẹ na ọ wọhọ owhẹ, O Jihova?+

Ono ọ wọhọ owhẹ, whẹ nọ o bi dhesẹ via nọ whẹ ọ mae rrọ ọrẹri?+

Ọnọ a rẹ dhozọ riẹ avọ ile ujiro nọ a rẹ so kẹe, Ọnọ o bi ru eware igbunu.+

10 Kẹsena Jẹtro ọ tẹ ta nọ: “Ujiro u te Jihova, ọnọ o siwi owhai no obọ Ijipti ze je no obọ Fẹro, ọnọ o siwi ahwo na no otọ obọ ogaga Ijipti. 11 Obọnana mẹ riẹ nọ Jihova ọ rro vi eghẹnẹ nọ i kiọkọ kpobi,+ fiki oware nọ o ru enọ i je ru oma oruoro kẹ ahwo riẹ.”

9 Ọ tẹ ta kẹ ezae na nọ: “Mẹ riẹ nọ Jihova ọ te kẹ owhai ẹkwotọ na,+ yọ ozọ rai u bi mu omai.+ Udu u no ahwo kpobi nọ a be rria ẹkwotọ na awọ no fiki rai,+ 10 keme ma yo epanọ Jihova o ro ru ame Abade Ọwawae na kpọ yamu evaọ aro rai okenọ wha no Ijipti,+ gbe oware nọ wha ru Saehọn+ gbe Ọg,+ ivie ivẹ ahwo Amọ nọ wha raha muotọ evaọ abọdekọ* Jọdan.