2 Eware nọ o ro ru ẹfọd+ na họ, igoru, olulu iburu, iwhulu ogorurẹ, ilulu ewawae egbagba, gbe emamọ ohọ-olọlọhọ nọ a zuo ziezi. 3 A rọ ehama tehe ewẹ igoru fihọ vẹvẹvẹ, o te bru rai wọhọ ifi re ọ ruẹsi zuo ai kugbe olulu iburu na, iwhulu ogorurẹ na, ilulu ewawae egbagba na, gbe emamọ ehọ-elọlọhọ na, a te zuo ai kugbe. 4 A ru abọ ikoko ivẹ kẹe nọ a kugbe evaọ oka avọ oka ivẹ riẹ. 5 Eware nana evona a ro zuo umueku* nọ a ru fihọ ẹfọd na nọ a re ro mu ei ga na:+ igoru, olulu iburu, iwhulu ogorurẹ, ilulu ewawae egbagba, gbe emamọ ohọ-olọlọhọ nọ a zuo ziezi, nwane wọhọ epanọ Jihova ọ ta kẹ Mosis nọ o ru.