15 Kẹsena a te ru icheni nọ a zuo wowoma fihọ ẹwẹ-ohọ igbama na, wọhọ ifi emamọ igoru.*+ 16 A te ru emeware igoru ivẹ gbe emero igoru ivẹ, a tẹ ta emero ivẹ na mu ibiezọ ivẹ ẹwẹ-ohọ igbama na. 17 Nọ a ru oyena no, a tẹ thọrọ ifi igoru ivẹ na họ emero ivẹ na nọ e rrọ ibiezọ ẹwẹ-ohọ igbama na. 18 Kẹsena a tẹ thọrọ eka ivẹ erọ ifi ivẹ na họ emeware igoru ivẹ na, a te kru rai kugbe abọ ikoko na evaọ obaro ẹfọd na.