11 “Finihas+ ọmọzae Ẹlieza ọmọzae Erọn ozerẹ na o ru nọ ofu mẹ kpahe ahwo Izrẹl o ro hrẹ keme ọ kuvẹ vievie he re ohwo jọ ọ wọso omẹ evaọ udevie rai.+ Oyejabọ nọ me gbe ro kpe ahwo Izrẹl kpobi muotọ họ, onọ me je ti ru fikinọ mẹ gwọlọ omarọkẹ riẹriẹriẹ.+

6 “Otẹrọnọ oniọvo-ọmọzae ra, ọmọzae oni ra, hayo ọmọzae ra hayo ọmọtẹ ra hayo aye oyoyou ra hayo ogbẹnyusu ọkpekpe* ra ọ be gwọlọ viẹ owhẹ họ evaọ idhere, inọ, ‘Joma nyae gọ eghẹnẹ efa,’+ eghẹnẹ nọ te owhai te esẹ-esẹ rai wha riẹ hẹ, 7 eghẹnẹ ahwo nọ a wariẹ owhai họ kpobi na, te enọ e kẹle owhai te enọ i thabọ no owhai, no oka otọ na jọ rite oka otọ na ọdekọ, 8 whọ rẹ rọwo kẹe vievie he hayo gaviezọ kẹe he,+ whọ rẹ re ohrọ riẹ hayo wo ọdawẹ kẹe hayo thọe he; 9 ukpoye, who re kpei no hrọ.+ Whẹ họ ọnọ ọ rẹ kake rọ utho fi ei, nọ a te bi ti kpei, kẹsena ahwo na kpobi a vẹ rọ itho fi ei.+