7 Mosis ọ jọ Beshan kẹ abọvo orua Manasẹ ukuoriọ no vẹre,+ Joshua ọ tẹ jọ ofẹ ukiediwo-ọre Jọdan kẹ abọ nọ o kiọkọ ukuoriọ+ evaọ udevie inievo rai. U te no ere no, Joshua ọ lẹ ẹro eghale kẹ ae evaọ okenọ o siobọno ae vrẹ kpohọ iwou-udhu rai, 8 ọ ta kẹ ae nọ: “Wha zihe kpohọ iwou-udhu rai avọ ekwakwa efe buobu, avọ erao buobu gaga, avọ igoru gbe isiliva, ekọpa avọ ayọno, gbe iwu buobu gaga.+ Wha rehọ eware ewegrẹ rai+ nọ wha kwa rehọ na re whai avọ inievo rai wha gbẹ ghale ae.”

24 Ono ọ rẹ rọwokugbe owhai evaọ onana? Ẹkẹ nọ o re te ọnọ o kpohọ ẹmo na avọ onọ u re te ọnọ o je rri ewha o rẹ jọ ẹrẹrẹe.+ Ahwo na kpobi a rẹ ghale kẹ.”+