25 A tẹ rehọ ikpewho nọ a di ogba wariẹ họ*+ gbe otọ nọ u re wou eware,+ yọ a rehọ iwou nọ e vọ avọ oghoghẹrẹ eware iwoma kpobi, egọdọ-ame* nọ a tọ fihọ no, egbọ evaene, egbọ olivi,+ gbe ire buobu nọ e rẹ mọ ibi. Fikiere a tẹ re, re eva vọ je fu fihọ, jẹ reawere ewoma ologbo ra.

6 Me duwu iyei kẹ ae evaọ ẹdẹ yena nọ mẹ te rehọ ai no ẹkwotọ Ijipti ze kpohọ ẹkwotọ nọ mẹ gwọlọ via* rọkẹ ae, onọ ame-ivie gbe ọnyọ i bi jo su.+ O jọ ẹkwotọ nọ ọ mai wo erru evaọ usu* ekwotọ na kpobi.