25 Mosis ọ tẹ salọ ezae nọ i te no udevie Izrẹl soso ze jẹ rehọ ai mu enọ i wuzou ahwo na, re a jọ iletu itu ahwo idu, iletu itu ahwo udhusoi, iletu itu ahwo udhuvẹ-gbikpe gbe iletu itu ahwo ikpe. 26 A te je bruoziẹ ahwo na nọ edhọ e tẹ romavia. A jẹ rehọ ẹdhọ nọ ọ ga se Mosis,+ rekọ a ve bruoziẹ ẹdhọ ọsese kpobi.

16 “Evaọ oke yena me jie uzi kẹ ibruoziẹ rai nọ, ‘Nọ wha te bi guẹdhọ inievo rai, wha re bruoziẹ nọ o kiẹrẹe+ evaọ udevie ohwo avọ oniọvo riẹ hayo ọrara nọ ọ be rria udevie rai.+

4 Jehoshafat ọ tẹ gbẹ jẹ rria Jerusalẹm, ọ tẹ wariẹ nyabru ahwo na, no Biẹ-shiba rite obọ ubrotọ igbehru Ifremu,+ re o ru ai zihe bru Jihova Ọghẹnẹ esẹ-esẹ rai ze.+ 5 Ọ tẹ jẹ rehọ ibruoziẹ mu evaọ ẹkwotọ na soso, evaọ ikpewho Juda kpobi nọ a di ogba wariẹ họ,* no okpẹwho ruọ okpẹwho.+