9 Nọ ivie kpobi nọ e jọ ofẹ ukiediwo-ọre Jọdan na+ a yo oware nọ o via, ivie nọ e rrọ ubrotọ igbehru na, enọ e rrọ Shefila* na, enọ e rrọ akotọ Abade Ologbo* na soso,+ gbe enọ e rrọ aro Lebanọn, koyehọ ivie ahwo Hit, ahwo Amọ, ahwo Kenan, ahwo Pẹriz, ahwo Hiv, gbe ahwo Jebus,+ 2 a te kuomagbe re a họre Joshua avọ Izrẹl.+

9 A tẹ ta kẹe nọ: “Ẹkwotọ jọ nọ o thabọ gaga mai idibo ra ma no ze+ fiki adhẹẹ nọ ma wo kẹ odẹ Jihova Ọghẹnẹ ra, keme ma yo kpahe oruaro riẹ gbe eware kpobi nọ o ru evaọ Ijipti+ 10 gbe eware kpobi nọ o ru ivie ivẹ ahwo Amọ nọ e jọ abọdekọ* Jọdan, Saehọn ovie+ Hẹshbọn gbe Ọg+ ovie Beshan nọ ọ jọ Ashtarọt.