2 Kẹsena Devidi avọ ezae nọ e jọ kugbei kpobi a tẹ wọ re a kpohọ Bale-ijuda re a rehọ etehe ọvọ Ọghẹnẹ uzẹme na+ no obei ze, onọ ahwo a jẹ hae jọ aro riẹ bo se Jihova olori egbaẹmo,+ ọnọ ọ keria agbara-uvie riẹ evaọ obehru* chẹrub na.+

4 Ere a rọ wọ etehe ọvọ Ọghẹnẹ uzẹme na no uwou Abinadab nọ o rrọ ukpehru na, yọ Ahaeyo ọ kobaro kẹ etehe ọvọ na.

5 Fikiere Devidi o te koko Izrẹl soso họ, no obọ ethẹ* Ijipti ze rite ugbo obọ Libo-hemat,*+ re a wọ etehe ọvọ Ọghẹnẹ uzẹme na no obọ Kiriat-jierim+ ze.

7 Rekọ a tẹ wọ etehe ọvọ Ọghẹnẹ uzẹme na họ ehru akẹkẹ ọkpokpọ,+ a tẹ wọe no uwou Abinadab ze, yọ Uzah avọ Ahaeyo a be nya lele akẹkẹ na.+