15 Fikiere ahwo na kpobi a te kpobọ Gilgal, a tẹ jọ aro Jihova rọ Sọl mu ovie evaọ Gilgal. Kẹsena a tẹ jọ etẹe dhe idhe ọriẹyeri evaọ aro Jihova,+ Sọl avọ ahwo Izrẹl kpobi a te ru ehaa yọ a be ghọghọ gaga.+

13 Fikiere Samuẹle ọ tẹ ta kẹ Sọl nọ: “Oware ugheghẹ who ru na. Who koko ujaje nọ Jihova Ọghẹnẹ ra ọ kẹ owhẹ hẹ.+ O hae jọ nọ who koko iei, Jihova ọ hai ti ru uvie ra dikihẹ gaga evaọ Izrẹl bẹdẹ bẹdẹ.

26 Rekọ Samuẹle ọ tẹ ta kẹ Sọl nọ: “Me ti lele owhẹ zihe he, keme whọ siọ ẹme Jihova, yọ Jihova ọ siọ owhẹ no inọ whọ gbẹ jọ ovie Izrẹl he.”+

7 Ukuhọ riẹ, Sọl ọ tẹ ta kẹ idibo riẹ nọ: “Wha nyae gwọlọ aye nọ o re lele izi ta ẹme kẹ omẹ,+ re mẹ nyae nekpẹ mi ei.” Idibo riẹ e tẹ ta nọ: “Aye jọ nọ o re lele izi ta ẹme ọ rrọ obọ Ẹn-dọr.”+

4 Sọl ọ tẹ ta kẹ ọnọ ọ rẹ wha ekwakwa ẹmo riẹ nọ: “Yolo ọgbọdọ ra ze re whọ rehọ iẹe duwu omẹ kpe, re ahwo nana nọ a yawo ho na+ a gbẹ nyaze ti duwu omẹ jẹ lahiẹ omẹ hẹ.”* Rekọ ọnọ ọ rẹ wha ekwakwa ẹmo riẹ na ọ jẹ rọwo ho, keme ozọ u je mu ei gaga. Fikiere Sọl ọ tẹ tọlọ ọgbọdọ na, o te kie fihọ ehru riẹ.+