6 Jonatan ọ tẹ ta kẹ ọnọ ọ rẹ wha ekwakwa ẹmo riẹ nọ: “Nyaze re ma fa vrẹ kpohọ obonọ iwou isoja ahwo nana nọ a yawo ho na e rrọ na.+ Ẹsejọhọ Jihova o ti fiobọhọ kẹ omai, keme oware ovo o rẹ za Jihova dhe he nọ ọ tẹ gwọlọ rọ ahwo buobu hayo umutho ahwo siwi.”+

23 Devidi ọ tẹ nekpẹ mi Jihova, rekọ Ọ tẹ kẹe uyo nọ: “Whọ nya ovavo bru ai hi. Ukpoye, nya wariẹ họ kpobọ emu rai, re whọ vẹruọ ae evaọ aro ire beka na. 24 Nọ who te yo edo onya ahwo evaọ ehru ire beka na, whọ vẹ jowọ vẹrẹ vẹrẹ, keme Jihova ọ karo kẹ owhẹ no re o kpe ogbaẹmo ahwo Filistia na.”

15 Nọ odibo* ohwo Ọghẹnẹ uzẹme na ọ kpama evaọ irioke jẹ ruọ otafe, ọ tẹ ruẹ nọ ogbaẹmo nọ u wo enyenya gbe ekẹkẹ ẹmo o wariẹ okpẹwho na họ. Odibo na ọ tẹ nwane ta kẹ Elaesha nọ: “O olori mẹ! Kọ ẹvẹ ma ti ru na?” 16 Rekọ Elaesha ọ tẹ ta kẹe nọ: “Jọ ozọ u mu owhẹ hẹ!+ Keme enọ e rrọ kugbe omai i bu vi enọ e rrọ kugbe ai.”+