10 Devidi ọ tẹ nekpẹ mi Ọghẹnẹ nọ: “Kọ mẹ nyae họre ahwo Filistia na? Kọ whọ te rehọ ae họ omẹ obọ?” Jihova ọ tẹ ta kẹe nọ: “Nya, mẹ te rehọ ae họ owhẹ obọ.”+ 11 Fikiere Devidi o te kpobọ Bale-perezim,+ ọ tẹ jọ etẹe kpe ai. Devidi ọ tẹ ta nọ: “Ọghẹnẹ uzẹme na ọ rehọ obọ mẹ fi ewegrẹ mẹ kparobọ no wọhọ ame nọ o zurie ugbẹhẹ fihọ otọ.” Oyejabọ nọ a ro se odẹ oria yena Bale-perezim.* 12 Ahwo Filistia na a tẹ dhẹ siọ eghẹnẹ rai ba etẹe, nọ Devidi ọ kẹ udu na, a tẹ rọ erae mahe ae no.+