18 Evaọ ẹdẹ yena Jihova ọ re ọvọ kugbe Abram,+ inọ: “Mẹ te rehọ ẹkwotọ+ nana kẹ emọ* ra, no ethẹ Ijipti rite ethẹ ologbo na, ethẹ Yufretis:+

31 “Me ti fi uwhru ra họ no Abade Ọwawae na rite abade ahwo Filistia je no udhude na rite Ethẹ na;*+ keme mẹ te rehọ ahwo nọ a be rria ẹkwotọ na họ obọ ra, who ve ti le ai no aro ra.+

21 Solomọn o je su ekwotọ-ivie kpobi nọ e jọ no umuo Ethẹ*+ na vrẹ rite obọ ẹkwotọ ahwo Filistia je rite obọ uwhru Ijipti. A jẹ hwa azọhọ kẹ Solomọn evaọ edẹ uzuazọ riẹ kpobi, yọ a jẹ gbodibo kẹe re.+

3 Devidi o fi Hadẹdiza+ ovie Zoba+ kparobọ kẹle Hemat+ evaọ okenọ ọ jọ edhere jẹ nyai ru epanọ o re ro ru udu-esuo riẹ dikihẹ evaọ obọ Ethẹ Yufretis+ na. 4 Devidi o mu ekẹkẹ odu ọvo (1,000), edhẹ-enyenya idu ihrẹ (7,000), gbe isoja owotọ idu udhe (20,000) riẹ rehọ.+ Kẹsena Devidi o te wiri awọ enyenya ekẹkẹ na kpobi kiọkọ udhusoi (100) ọvo.+