14 Jihova o te vi okpẹyao nọ o re vo+ ruọ Izrẹl, ahwo idu udhosa-gbikpe (70,000) a tẹ jọ Izrẹl whu.+ 15 U no ere no, Ọghẹnẹ uzẹme na o vi ukọ-odhiwu kpobọ Jerusalẹm re ọ raha iẹe no; rekọ nọ Jihova ọ ruẹ nọ ọ gwọlọ mu ere họ eru, okpẹtu na o tẹ dae,*+ ọ tẹ ta kẹ ukọ-odhiwu nọ ọ be wha ọraha ze na nọ: “U te no!+ Enẹna, fi obọ họ otọ.” Oke yena yọ ukọ-odhiwu Jihova o dikihẹ kẹle oria nọ Ọnan+ ohwo Jebus+ na ọ rẹ jọ si ibi no igbe ekakọ.