3 Kẹsena Solomọn avọ ogbotu na soso a tẹ nya kpobọ oria ukpehru nọ o jọ Gibiọn,+ keme etẹe uwou-udhu omakugbe Ọghẹnẹ uzẹme na o jọ, uwou-udhu nọ Mosis odibo Jihova ọ bọ evaọ obọ udhude na. 4 Rekọ Devidi ọ wọ etehe ọvọ Ọghẹnẹ uzẹme na no obọ Kiriat-jierim ze+ no vẹre fihọ oria nọ ọ ruẹrẹhọ kẹe; Devidi ọ bọ uwou-udhu kẹe evaọ Jerusalẹm.+ 5 Yọ a fi agbada-idhe ekọpa+ nọ Bẹzalẹl+ ọmọzae Yurae ọmọzae Họr o ru na họ aro uwou-udhu Jihova na; Solomọn avọ ogbotu na a jẹ hae lẹ evaọ aro riẹ.* 6 Solomọn ọ tẹ jọ etẹe dhe idhe evaọ aro Jihova, o dhe idhe emahọ odu ọvo (1,000) evaọ agbada-idhe ekọpa+ nọ ọ jọ aro uwou-udhu omakugbe na.