15 o tẹ via ere, ovie nọ Jihova Ọghẹnẹ rai ọ salọ ọvo wha re ro mu.+ Omọvo inievo rai wha re ro mu ovie. Oware aghọ o rrọ re wha rehọ ohwo orẹwho ọfa nọ ọ rrọ oniọvo rai hi mu ovie. 16 Rekọ, o re wo enyenya buobu kẹ omariẹ hẹ,+ hayo ru ahwo na zihe kpobọ Ijipti hi re a rehọ enyenya efa ze,+ keme Jihova ọ ta kẹ owhai nọ, ‘Wha re zihe vievie he.’*

24 Ahwo kpobi evaọ otọakpọ na a jẹ gwọlọ epanọ a rẹ rọ ruẹ* Solomọn re a yo eme areghẹ nọ Ọghẹnẹ o fihọ udu riẹ.+ 25 Ae omomọvo ọ jẹ hae wha okẹ sei—ekwakwa isiliva, ekwakwa igoru, iwu, ẹgọ-ẹmo, ewhri balsam, enyenya, gbe isi,* enẹ a je ru kukpe kukpe.

26 Solomọn ọ ruabọhọ je koko ekẹkẹ gbe enyenya* họ; o wo ekẹkẹ odu ọvo gbe egba ene (1,400) gbe enyenya* idu ikpegbivẹ (12,000),+ o te fi ai họ ikpewho ekẹkẹ na je fi ae họ kẹle ovie na evaọ Jerusalẹm.+

14 Solomọn ọ ruabọhọ je koko ekẹkẹ gbe enyenya* họ; o wo ekẹkẹ odu ọvo gbe egba ene (1,400) gbe enyenya* idu ikpegbivẹ (12,000),+ o te fi ai họ ikpewho ekẹkẹ+ na je fi ae họ kẹle ovie na evaọ Jerusalẹm.+

17 Ewẹ isiliva egba ezeza (600) a jẹ hae rọ dẹ akẹkẹ ọvuọvo no obọ Ijipti ze, yọ ewẹ isiliva udhuhrẹ-gbikpe (150) a jẹ dẹ anyenya ọvo; a vẹ wariẹ zẹ ae kẹ ivie ahwo Hit gbe ivie Siria kpobi.