11 Kẹsena Devidi ọ tẹ kẹ Solomọn ọmọzae riẹ omaa+ nọ a te rọ bọ ọmọgwa+ uwou na gbe orọ ibriwou sa-sa uwou na, iwou riẹ nọ a rẹ jọ sẹro eware, ibriwou obehru riẹ, ibriwou obeva riẹ, gbe uwou ururu ẹruẹrẹhọ na.*+ 12 Ọ kẹ riẹ omaa ebabọ oware kpobi nọ a rọ ẹkwoma ẹzi Ọghẹnẹ dhesẹ kẹe, koyehọ omaa nọ a rẹ rọ bọ ighẹ sa-sa+ nọ e te jọ uwou Jihova na, ibriwou emuọriọ kpobi nọ e te wariẹe họ, eria ekwakwa-aghae nọ e te jọ uwou Ọghẹnẹ uzẹme na, gbe eria ekwakwa-aghae nọ a ru họ ọrẹri* no;+

3 Solomọn o te mu uwou Jihova+ họ ẹbọ fihọ Ugbehru Moraya+ evaọ Jerusalẹm, oria nọ Jihova ọ jọ romavia kẹ Devidi ọsẹ riẹ,+ evaọ oria nọ Devidi ọ ruẹrẹ kpahe evaọ oria Ọnan+ ohwo Jebus na nọ a rẹ jọ si ibi no igbe ekakọ. 2 O mu rie họ ẹbọ evaọ ẹdẹ avọ ivẹ amara avọ ivẹ, evaọ ukpe avọ ene esuo riẹ.