Me re kpe, je siwi ziọ uzuazọ.+

32 Nọ Elaesha o te uwou na yọ ọmọ owhuowhu na ọ rrọ ehwa riẹ.+

34 Ọ tẹ ruọ ehru ehwa na, o te kiẹzẹ ehru ọmọ na, o te fi unu riẹ họ unu ọmọ na, o te fi ibiaro riẹ họ ibiaro ọmọ na, o te fi evabọ riẹ họ evabọ ọmọ na, ọ tẹ jọ ehru ọmọ na, oma ọmọ na u te muhọ ẹrrorro.+

21 Nọ ezae jọ i je ki ọzae jọ, a tẹ ruẹ egbaẹmo nọ e rẹ kwa eware ahwo na, fikiere a tẹ nwani gbolo ori na fihọ oria nọ a ki Elaesha fihọ, a tẹ dhẹ. Nọ ori ọzae na o te igbenwa Elaesha, ọzae na ọ tẹ ziọ uzuazọ,+ ọ tẹ kpama dikihẹ.

15 Ọmọzae nọ o whu no na ọ tẹ kpama keria je mu ẹme họ ẹta, Jesu ọ tẹ rehọ iẹe kẹ oni riẹ.+

54 Rekọ o te kru ọmọtẹ na obọ, o te sei nọ: “Ọmọ, kpama!”+ 55 Ẹzi+ riẹ ọ tẹ* wariẹ ruọ ẹe oma, ọ tẹ nwane kpama keria,+ Jesu ọ tẹ ta nọ a kẹ ọmọ na emu re ọ re.

28 Wha jọ onana u gbe owhai unu hu, keme auwa na ọ be tha nọ enọ e rrọ iki ekareghẹhọ kpobi a ti ro yo urru riẹ+ 29 a vẹ te nya via, enọ i ru eware iwoma a ti wo ẹkparomatha uzuazọ, enọ i ru eware iyoma kọ ẹkparomatha ẹdhoguo.+

44 Ọzae nọ o whu na ọ tẹ nya lahwe avọ awọ gbe abọ riẹ nọ a rọ ehọ variẹ, yọ a rọ ohọ variẹ ovao riẹ. Jesu ọ tẹ ta kẹ ae nọ: “Wha si ehọ na noi oma re ọ nyavrẹ.”

40 Pita ọ tẹ ta kẹ ahwo na kpobi inọ a ruọ otafe,+ o te kigwẹ, ọ tẹ lẹ. Kẹsena nọ ọ rẹriẹ ovao rri ori na, ọ tẹ ta nọ: “Tabita, kpama!” O te rovie aro riẹ, nọ ọ ruẹ Pita, ọ tẹ kpama keria.+ 41 Pita ọ tẹ rriẹ obọ kẹe, o te kru rie dikihẹ, o te se erẹri na gbe eyae-uku na, o te dhesẹ iẹe kẹ ae inọ ọ ziọ uzuazọ no.+

9 Whaọ ọmọzae jọ nọ a re se Yutikọs ọ keria unwido, o te kie ruọ owezẹ udidi nọ Pọl ọ gbẹ jẹ ta ẹme na, owezẹ na u te ru ei kie no edhe avọ esa uwou ehru na fihọ otọ, nọ a te etẹe a tẹ ruẹ nọ o whu no. 10 Rekọ Pọl o te kpobọ otọ, o te kie ruru iei jẹ gbae họ oma+ ọ tẹ ta nọ: “Wha gbe ru edo ho, ọ rrọ uzuazọ.”*+

9 Keme fiki onana Kristi o ro whu jẹ wariẹ ziọ uzuazọ, re ọ ruẹse jọ Olori enọ i whu no gbe enọ e rrọ uzuazọ.+

17 Fiki ẹrọwọ, nọ a dawo Abraham,+ ọ jẹ te rọ Aiziki dhe idhe,—ọzae nọ ọ rọ evawere dede eyaa na rehọ na ọ jẹ te rọ ọmọzae ọvo riẹ dhe idhe no+—

19 Rekọ o wo iroro nọ Ọghẹnẹ ọ rẹ sae kpare iẹe no uwhu ze dede, yọ o gine woi tobọ no uwhu ze, onọ o jọ oware oriruo.+