14 Kẹsena Jehu+ ọmọzae Jehoshafat ọmọzae Nimshae ọ tẹ lẹlẹ gba ẹgwae kpahe Jehoram.

Evaọ oke yena Jehoram avọ ahwo Izrẹl kpobi a je rou* otọ evaọ Remọt-giliad+ fiki Hazaẹl ovie+ Siria.

24 Jehu ọ tẹ tọlọ uze riẹ họ obọ, ọ tẹ sa udevie uke Jehoram, ose na o tẹ jọ udu riẹ lafi, o te kie evaọ akẹkẹ ẹmo riẹ.

6 Kẹsena Jehu o te kere ileta avọ ivẹ se ai, inọ: “Otẹrọnọ wha rrọ abọ mẹ, yọ o ruọ owhai nọ wha re yoẹme kẹ omẹ, wha rehọ izou emezae olori rai re wha nyabru omẹ ze obọ Jezrẹl evaọ oke utiona odẹnotha.”

Whaọ emezae udhosa-gbikpe ovie na e jọ kugbe ahwo ologbo okpẹwho na, enọ e jẹ yọrọ ae. 7 Nọ ileta na e nwani te ai obọ, a te kru emezae ovie na, a te bru izou rai no, ezae udhosa-gbikpe,+ a te fi izou rai họ eva ikete, a te vi ai sei evaọ obọ Jezrẹl.

23 Kẹsena Jehu avọ Jehonadab+ ọmọzae Rikab a tẹ ruọ eva uwou Bale na. Ọ tẹ ta kẹ enọ e be gọ Bale na nọ: “Wha romatotọ kiẹ re wha ruẹ nọ ahwo nọ a be gọ Jihova a rrọ etenẹ hẹ, ajokpaọ enọ e be gọ Bale ọvo.”

25 Nọ ọ nwani dhe idhe emahọ na no, Jehu ọ tẹ ta kẹ iroiro* na gbe iletu na nọ: “Wha ruọ eva re wha kpe ai no! Wha kẹ ọvuọvo uvẹ vabọ họ!”+ Fikiere iroiro na gbe iletu na e tẹ rọ ọgbọdọ kpe ai fihọ otọ je gbolo ai fihọ otafe, a tẹ gbẹ jẹ nyaruọ obọ aruẹri obeva* uwou Bale na.