Oruaro riẹ o rrọ Izrẹl,

Yọ ẹgba riẹ ọ rrọ obọ ihru* na.

 7 Wha kẹ Jihova oware nọ u fo rie, whai iviuwou ahwo,

Wha kẹ Jihova oware nọ u fo rie fiki oruaro gbe ẹgba riẹ.+

 8 Wha kẹ Jihova oruaro nọ u fo odẹ riẹ;+

Wha rehọ okẹ re wha ziọ ighẹ riẹ.

 9 Wha guzou kpotọ kẹ* Jihova avọ ẹgọ ọrẹri nọ wha whẹhọ;*

Wha nuhu evaọ aro riẹ, whai ahwo otọakpọ na kpobi!

11 Jọ idhiwu na e ghọghọ, jọ otọakpọ na o ghọghọ re;

Jọ abade na avọ eware kpobi nọ e rrọ eva riẹ i ru edo egbrara;+

12 Jọ idhu na avọ eware kpobi nọ e rrọ eva rai e ghọghọ.+

Evaọ oke ovona, jọ ire kpobi nọ e rrọ owhawho na i bo ubo oghọghọ+

13 Evaọ aro Jihova, keme ọ be nyaze,*

Ọ be nyaze ti bruoziẹ otọakpọ na.

Ọ te rọ ẹrẹreokie bruoziẹ ahwo nọ a rrọ otọakpọ* na+

Jẹ rọ ọtẹruo riẹ bruoziẹ ahwo na.+