4 Ọ tẹ rehọ Bilha odibo riẹ kẹe wọhọ aye, Jekọp o te lele iei wezẹ.+ 5 Bilha o te dihọ o te yẹ ọmọzae kẹ Jekọp. 6 Reshẹl ọ tẹ ta nọ: “Ọghẹnẹ o zihe ruọ obruoziẹ mẹ no, ọ tẹ jẹ gaviezọ kẹ urru mẹ no, fikiere ọ tẹ kẹ omẹ ọmọzae.” Oyejabọ nọ o ro se odẹ riẹ Dan.*+

16 “Dan+ o ti bruoziẹ ahwo riẹ wọhọ ọvo jọ evaọ erua Izrẹl.+ 17 Jọ Dan ọ jọ araomuomu nọ ọ rrọ akotọ edhere, araomuomu nọ o wo izei nọ ọ rrọ akotọ edhere, nọ ọ rẹ rowo ithihrawọ anyenya u ve ru ọnọ ọ be dhẹe na kie kpobọ emu.+ 18 Mẹ te hẹrẹ esiwo nọ o ti no obọ ra ze, O Jihova.