8 Hẹzikaya ọ nọ Aizaya no vẹre, inọ: “Eme họ oka+ nọ u dhesẹ nọ Jihova o ti siwi ẹyao mẹ na, gbe nọ me ti kpobọ uwou Jihova evaọ ẹdẹ avọ esa?” 9 Aizaya ọ tẹ kẹ uyo nọ: “Onana họ oka nọ u no obọ Jihova ze re u dhesẹ kẹ owhẹ nọ Jihova o ti ru ẹme nọ ọ ta na gba: Kọ whọ gwọlọ nọ uwoho nọ o rrọ ehru istẹpo* nọ a rẹ gadiẹ na o nya istẹpo ikpe kpobọ aro manikọ o nya istẹpo ikpe zihe kpemu?”+ 10 Hẹzikaya ọ tẹ ta nọ: “O rrọ lọlọhọ re uwoho o nya istẹpo ikpe kpobọ aro, rekọ o rẹ nya istẹpo ikpe zihe kpemu hu.” 11 Fikiere Aizaya ọruẹaro na o te bo se Jihova, O te ru nọ uwoho nọ o rrọ ehru istẹpo Ehaz nọ a rẹ gadiẹ na, onọ o nya istẹpo na kpobọ otọ no vẹre na o rọ nya istẹpo ikpe zihe kpemu.+

8 Me ti ru uwoho nọ u kpobọ otọ no evaọ ehru istẹpo* Ehaz na re o nya istẹpo ikpe zihe kpemu.”’”+ Fikiere ọre na ọ tẹ nya istẹpo ikpe zihe kpemu evaọ ehru istẹpo nọ o nyavrẹ kpobọ otọ no vẹre na.