9 Wha riẹ vevẹ nọ Jihova Ọghẹnẹ rai họ Ọghẹnẹ uzẹme na, Ọghẹnẹ nọ o re ru ẹme riẹ gba,* nọ o re koko ọvọ riẹ je dhesẹ uyoyou nọ o rẹ hiẹ hẹ rite ige odu rọkẹ enọ i you rie je bi koko izi riẹ.+

23 ọ tẹ ta nọ: “O Jihova Ọghẹnẹ Izrẹl, Ọghẹnẹ ọvo nọ ọ wọhọ owhẹ+ evaọ obọ idhiwu na hayo evaọ otọakpọ na ọ rrọ họ, whẹ họ ọnọ o bi koko ọvọ na je bi dhesẹ uyoyou nọ o rẹ hiẹ hẹ+ kẹ idibo ra nọ e be rọ udu rai kpobi nya evaọ aro ra.+ 24 Who ru eyaa nọ whọ ya kẹ odibo ra Devidi ọsẹ mẹ gba no. Unu obọra whọ rọ ya eyaa na, yọ whọ rehọ obọ obọra ru eyaa na gba no nẹnẹ na.+ 25 Whaọ enẹna, O Jihova Ọghẹnẹ Izrẹl, ru eyaa nọ whọ ya kẹ odibo ra Devidi ọsẹ mẹ gba, onọ whọ ya nọ: ‘Ohwo nọ ọ rẹ keria agbara-uvie Izrẹl evaọ aro mẹ o ti no uyẹ ra vievie he otẹrọnọ emezae ra i te muẹrohọ oghẹrẹ nọ a bi yeri uzuazọ rai jẹ nya lele omẹ, nwane wọhọ epanọ whọ nya evaọ aro mẹ na.’+ 26 Whaọ enẹna, O Ọghẹnẹ Izrẹl, ivie jọ eyaa nọ whọ ya kẹ odibo ra Devidi ọsẹ mẹ u rugba.